Op IKC Eestroom wurde tweintich talen sprutsen

Op it IKC Eestroom yn Ljouwert libje mear as tweintich talen neistinoar. Fan Turks, Arabysk en Papiaments oant Frysk en Nederlânsk – de skoalle is in bysûndere meartalige mienskip dêr’t de eigen memmetaal fan bern net weiwurke, mar krekt oernommen wurdt as rykdom.

Taal as kaai foar selsfertrouwen
De skoalle is oansletten by it Language Friendly School-netwurk, dat wrâldwiid skoallen ferbynt dy’t meartaligens posityf ynsette. “As learlingen har eigen taal brûke meie, groeie se yn selsfertrouwen en wurde se better yn alle fakken,” seit taalkoördinator Veronique Meijer. Op it IKC Eestroom wurdt dat tige konkreet makke: learlingen meie harren eigen taal brûke by opdrachten, op muorren hingje wolkomstgroeten yn ferskate talen en yn ’e klasse wurde wurden út oare talen aktyf belutsen by de lesstof.

Fan taalprojekt nei ûnderwiisfilosofy
It begon mei in taalprojekt fan Boran Celik (12) en syn heit, dy’t de libbensmotto fan Boran yn fjouwer talen op in poster setten. Wat as in ienfâldich inisjatyf begûn, groeide út ta in ûnderwiisfilosofy foar de hiele skoalle. “Wy sjogge dat bern har feiliger fiele as harren memmetaal meiklinke mei yn ’e klasse,” fertelt direkteur Astrid Bosma. “It makket de skoalle sfearliker, tagonkliker en soarget foar better begryp tusken bern.”

In meartalige takomst
It Frysk hat ek in plak op de skoalle: yn ’e ûnderbou wurdt Frysk lêzen, songen en spile. Sa leare bern dat taal net allinne in fak is, mar ek in part fan wa’t se binne.

It foarbyld fan IKC Eestroom lit sjen hoe’t meartaligens de learomjouwing ferriket. As bern harren eigen taal brûke meie, wurdt net allinne harren identiteit fersterke, mar ek de iepenheid foar oare talen en kultueren.

Boarne: artikel fan Marscha van der Vlies, publisearre yn it Friesch Dagblad / Leeuwarder Courant