De Fryske taal is ûnskiedber fan de Friezen en ús identiteit. In taal om grutsk op te wêzen én yn te ynvestearjen. As provinsje wolle wy alle bern yn Fryslân in kâns biede om de Fryske taal te learen. Dêrom moat uterlik yn 2030 it fak Frysk op alle basisskoallen en skoallen foar it fuortset ûnderwiis op foldwaande nivo oanbean wurde. By foarskoalske edukaasje, mbo, hbo, universiteit en it spesjaal ûnderwiis kieze wy foar it fuortsterkjen fan de trochgeande learline. Sa komme bern fan alle jierren yn oanrekking mei de Fryske taal, fan berne-opfang oant heger ûnderwiis. De provinsje set har dêrfoar yn mei taal- en ûnderwiisynstellingen Afûk, Cedin, Fers, Keunstwurk, NHL Stenden, Omrop Fryslân, Sintrum Frysktalige Berne-opfang (SFBO), Underwiisburo Semko en de Underwiisynspeksje. Mar boppedat wurkje wy mei dosinten, skoallen en skoalbestjoeren. Wy ynvestearje mei Taalplan Frysk yn de kwaliteit fan Frysk ûnderwiis op alle skoallen en alle ûnderwiisnivo’s. Frysk, foar no en letter.
Lêste Nijs
21 skoallen krije taalprofyl foar it Frysk
Hjoed hawwe Deputearre Steaten oan de earste 21 skoallen foar primêr ûnderwiis in nij Taalplan Frysk-profyl takend. Dit profyl jout oan op hokker nivo in skoalle it (fak) Frysk oanbiedt. Alve skoallen krije opnij in A-profyl. Fjouwer skoallen behâlde ek itselde, mar leger profyl (B, C en F). Fjouwer oare skoallen krije in heger profyl…
Meld dy no oan foar WOW Frysk 2030
Hasto sin oan in ynspirearjende middei? En wolsto praktysk oan ’e slach mei it Frysk by dy op skoalle of berne-opfang? Meld dy dan no oan foar WOW Frysk 2030! Oanmelde foar WOW Frysk 2030 Taalplan Frysk 2030 organisearret in tige nijsgjirrich programma mei workshops foar alle ûnderwiisnivo’s en praktykfoarbylden fan skoallen en berne-opfanglokaasjes. Nei…
Regeling Frysk foar no en letter iepen!
Wurkesto yn it ûnderwiis yn Fryslân? Alle skoallen yn Fryslân kinne fan hjoed ôf in subsydzje oanfreegje foar it ferbetterjen fan it fak Frysk. Oant 18 maaie is der € 400.000 beskikber. Skoallen kinne in oanfraach dwaan foar bygelyks neiskoalling fan dosinten Frysk, ekstra lesmateriaal en it ferfangen fan dosinten dy’t in oplieding Frysk folgje.
3,2 miljoen euro beskikber foar ferbetterjen Frysk ûnderwiis
Alle skoallen yn Fryslân kinne fan 22 febrewaris ôf in subsydzje oanfreegje foar it ferbetterjen fan it fak Frysk. De kommende fjouwer jier is der alle jierren € 800.000 beskikber foar bygelyks neiskoalling fan dosinten Frysk, ekstra lesmateriaal en it ferfangen fan dosinten dy’t in oplieding Frysk folgje. De regeling Frysk foar no en letter…
Animaasje oer de Taalplan Frysk-profilen
Uterlik yn it jier 2030 moat it fak Frysk op alle basisskoallen en skoallen foar it fuortset ûnderwiis op foldwaande nivo oanbean wurde. Dat is de ambysje dy’t it Ryk en provinsje mei-inoar ôfpraat hawwe yn de Bestjoersôfspraak Fryske Taal en Kultuer. Op foldwaande nivo betsjut dat alle basis- en skoallen foar fuortset ûnderwiis yn…
Start twadde omgong skoalbesites
Undertusken is it al wer fjouwer jier lyn dat de earste skoallen yn it ramt fan Taalplan Frysk besocht binne. De taalprofilen dy’t de skoallen krigen hawwe, binne jildich foar fjouwer jier. Dat betsjut dat der in twadde omgong schoolbesites fan start giet. Nei de simmerfakânsje wurde de earste ôfspraken makke mei de skoallen. In…
foarskoalsk
primêr ûnderwiis
fuortset ûnderwiis
mbû
hbû / universiteit
